European Institute of Innovation & Technology Startup Europe

Uniemakume

11/10/2024

    Onartua UPV/EHUren Berdintasunerako Plan berria (II)

    Emakumeen eta Gizonen Berdintasunerako IV. Plana
    • Ardatzak, jardun lerroak eta adierazleak: 5 ardatz, guztira 79 jardun lerro garatzen dituzten helburuak ardatz horietan, eta jardun lerroak neurtzeko 40 adierazle. Neurgarriak eta esanguratsuak. 
    1. Prestakuntza. Genero indarkeria prebenitzeko ikastaroak eta titulazioetan genero ikuspegia txertatzeko neurriak. Genero ikuspegia duten gradu amaierako lanak, master amaierako lanak eta doktorego tesiak. Bereziki indartzea STEAM alorrekoak. 
    2. Ikerketa. Emakumeen lidergoa (kuantitatiboa eta kualitatiboa) ikerketa proiektu eta taldeetan, eta genero ikuspegia sartzea proiektu, esperimentu eta lagin estatistikoetan. 
    3. Gizartea eta kultura. Emakumeen presentzia argitalpenetan, genero oreka ekitaldi zientifiko eta kulturaletan, STEAM bokazioetarako programa berezia, STEAM katedra bat eta Indarkeria Matxistei buruzko Unibertsitate-Gizarte Gela sortzea.
    4. Pertsonak. Berdintasunerako Zuzendaritzaren lantaldea sendotzea eta handitzea, hiru campusetan. Genero indarkerien aurkako protokoloaren zabalkundea eta prebentzio prestakuntza indartzea. Bultzada izena aldatzeko protokoloari. Emakumeen presentzia bermatzea kontratazio eta promozio prozesuetan. Bidea erraztea emakumeei katedradun eta irakasle oso bihurtzeko. Kontziliazio neurriak, telelana eta urrutiko lana indartzea. Zaintzagatiko eszedentzien edo baimenen ondoren lanera itzultzea errazteko neurriak. 
    5. Gobernantza eta baliabideak. Lidergo ikastaroak (Akademe eta A-Leader), genero oreka kargu eta lanpostu akademiko guztietan, harremanak estutzea ikastegietako berdintasun batzordeen artean, berdintasun klausulak sartzea hirugarrenekiko kontratazioetan, genero inpaktuari buruzko txostena eskatzea, emakumeen astea ospatzea.
     
    Non egon nahi duten 2028an 
    • IRI. Emakumezko katedradunen eta irakasle osoen ehunekoa % 40 ingurukoa izatea. 
    • TEKAZEL langileen A mailako emakumeen ehunekoa bat etortzea, gutxienez, kolektibo horretako emakumeen guztizko ehunekoarekin. 
    • Soldata arrakala erdira murriztea. 
    • TEKAZEL langileen % 10 telelanean aritzea, eta urrutiko lanaren aukera ematea. 
    • Prestakuntzan eta ikerketan erreferente izaten jarraitzea euskal gizartean, bai eta genero indarkerien aurkako borrokan ere, gure protokoloa indartuta. Bereziki, bokazio zientifikoak sustatzea nesken eta emakumeen artean, rolak deseraikiz, STEAM diziplinetan dagoen hesi bikoitza murriztuta.