Joan den martxoaren 2an, Bilboko Oteiza Bizkaia Aretoan, Ekintzaile-on 2017 foroa egin zen, Bizkaiko Foru Aldundiko Enplegu, Gizarteratze eta Berdintasun Sailak sustatua eta DEMA Enplegu eta Ekintzailetzako Foru Agentziak antolatua, Orienta Fundazioaren laguntzarekin. Guztira 81 parte-hartzaile izan ziren, ikasleen, ekintzaileen, irakasleen eta teknikarien artean.

Aretoa 17 mahaik osatu zuten, eta bertan, parte-hartzaileek ekintzailetzari buruz interesatzen zaien eta kezkatzen duen guztiari buruz hitz egin eta eztabaidatu ahal izan zuten. 59 gizonek eta 22 emakumek hartu zuten parte; horietatik 43 ikasleak ziren, 21 ekintzaile enpresarekin, 6 irakasle eta 11 teknikari.