Prestakuntza eskaintza

HETEL ikastetxeetan, Euskadiko Lanbide Heziketako gainerako ikastetxetan gertatzen den bezala, prestakuntza-eskaintza gehiena osatzen duten eta eskaera handiena duten heziketa-zikloak honako hauek dira: 

Goi Mailan: Automatizazioa eta Robotika Industriala; Administrazioa eta Finantzak; Diseinua Fabrikazio Mekanikoan, Produkzioaren Programazioa Fabrikazio Mekanikoan, Mekatronika Industriala eta Gizarteratzea, eta Erdi Mailako zikloak: Mekanizazioa, Instalazio Elektriko eta Automatikoak, Mantentze Elektromekanikoa, Erizaintzako Zaintza Osagarriak eta Kudeaketa Administratiboa, eta Oinarrizko Mailan, Kudeaketa Administratiboa.

12 heziketa-ziklo baino ez dira ikasle guztien % 50a jasotzen dutenak (beste % 50 beste 65 heziketa-zikloren artean banatzen da). Eta ziklo horietako 9 industrialak edo teknologikoak dira, eta ikasle guztien % 38a suposatzen dute. Hortik ondoriozta daiteke industria- eta teknologia-arloa (STEAM) funtsezkoa dela HETELen. Gazteek izaera industrialeko zikloak eskatzen jarraitzen dute, eskaera hori gero eta gehiago igoz. Izan ere, ikasketak amaitu dituzten ikasleen % 28k bakarrik egin dute STEAM ez diren zikloetan, eta % 72k (aurreko urtean % 61 izan zen) STEAM zikloetan.

Maskulinizatua

Eta Dual modalitatea aukeratu duten neskek, normalean STEAM zikloei lotuta dagoena, % 83,1eko txertaketa dute. Baina emakumeei dagokienez, lan handia dago aurretik. Izan ere, datu hori STEAM zikloak egiten dituzten emakumeena da, horiek baitira, oro har, ibilbide duala eskaintzen dutenak. Ikasketak amaitu dituzten emakume gehienak biltzen dituzten 10 heziketa zikloetatik, 2 baino ez dira STEAMtzat hartzen (Laborategi klinikoa eta biomedikoa eta Analisi- eta kalitate-kontroleko laborategia). Beraz, Lanbide Heziketako emakumeen apustua, gaur egun, STEAM ez den lanbide-arloetan oinarritzen da, eta soilik % 14k aukeratzen dituzte ziklo horiek. STEAM ikasgelan, 25 ikaslerekin, 22 mutil  eta 3 neska baino ez daude, eta hori, nahiz eta Euskadiko Lanbide Heziketan % 34 emakumeak izan, baina HETELen kopuru hori jaitsi egiten da % 26,8ra, ematen dituen zikloak direla eta.

Laneratze txostena esteka honetan ikusgai: 
https://www.hetel.eus/images/PDF/INFORME_SITUACION_LABORAL_2021-2022.pdf