Arazo horietako asko gazteek pairatzen dituzte. Besteak beste: langabezia, lan prekarietatea, soldata desegokia, lanaldiarekiko errespetu falta, denborazkotasun gehiegizkoa eta soldata-arraila. Arazo hauek gazteentzako egoera duin bat aldarrikatzeko gure lanaren ardatza dira. Gaur egungo lan prekarietatea Riders-en etorrerarekin autonomo faltsuen etorreran itzul daiteke, eta ondorioz Rider legea ez betetzearekin, gutxieneko gastuak bere gain hartzeko ezintasuna, nahiz eta lana izan, edo emantzipazioa, gero eta beranduago gertatzen dena gazteentzat.

Errealitate hori datuetan ere islatzen da. Nafarroako Gazte Emantzipazioaren Behatokiaren arabera, Nafarroako soldatapeko gazteen   % 61,6 aldi baterako kontratatzen dira (emakumeen % 66,4, gizonen     % 56,1en aldean).

Lanaldi partzialeko kontratuei dagokienez, genero-arrailak ere okerrera egin du, gizon okupatuen % 90,2k lanaldi osoko kontratua baitute emakume okupatuen % 61,8ren aldean.

Ikusten dugu, beste behin, nola dagoen genero-alborapena prekarietatearen errealitateari dagokionez. Honek enplegua sustatzeko politika publikoen genero-ikuspegia duen berrikuspena justifikatzen du. Emakumeek lan munduan duten eginkizuna ezin da zenbakizko helburuak betetzera mugatu; ez dute inolako oztoporik topatu behar beren garapen profesionalean.

Ez dugu alferrik galdu nahi administrazioa zentzu honetan ematen ari diren urratsak ospatzea. Hala ere, ez zaizkigu nahikoak iruditzen eta neurri handinahiagoen ezarpenarekin norabide horretan konpromisoari eustea exijitzen dugu.

Zentzu honetan, Nafarroako Gazteriaren Kontseilutik gure eskua luzatzen dugu gazteria zentrotzat duten eta talde honen intereseko zuzeneko programak, planak eta politiken garapenera.