Ostirala, abenduak 15, 10:00etan

Bilboko Hezkuntza Fakultatea

Sarriena auzoa, z/g. Leioa

Datorren ostiralean, abenduak15, goizeko 10.00etan, Bilboko Hezkuntza Fakultatean, "UPV/EHUren VIII. Hezkuntzarako App Azoka" egingo da. Azoka hori Bilboko Ingeniaritza Eskolak Bilboko Hezkuntza Fakultateak batera urtero egiten duten diziplinarteko proiektu baten jendaurreko aurkezpena da. Proiektuaren helburua da, batetik, teknologia berrien erabilera sustatzea hezkuntzaren esparruan, eta, bestetik, telekomunikazio-ingeniaritzaren ildotik tresna praktiko eta aplikagarriak sortzeko gaitasuna bultzatzea.

UPV/EHUren Hezkuntzarako VIII. App Azoka inoiz baino bereziagoa da. "Teknologia guztiontzat" lelopean, 8 aplikazio mugikor sortu dira Down Sindromea eta beste desgaitasun intelektual batzuk dituzten pertsonei eta haurrei zuzenduta. Halaber, egileek nahiago dute App-ak gaitasun asko eta desberdinak dituzten pertsona guztientzat direla esatea.

Aniztasunak dakarren aberastasuna zaintzearen aldeko apustua egin dute abentura honetan. Horretarako modu bizi eta kooperatiboan elkarlanean aritu dira ikasle mota ezberdinak, zehazki Bilboko Ingeniaritza Eskolako (Telekomunikazio Masterra), Bilboko Hezkuntza Fakultateko (Hezkuntza Graduak) eta "Euskal Herriko Down Sindrome eta beste adimen urritasunen Fundazioa" ikasleak. Esperientzia bizi bezain aberasgarriari honi esker, modu apalean bada ere, bidezkoagoa eta inklusiboa den teknologia garatzeko bidean laguntza eman dugula uste dugu. Beste era batera esanda, guztiok sortutakoa eta guztiontzakoa den teknologia sortu dugu.

Garatutako app-ak doan dira eta eskuragarri daude Google Playn. Tradizioarekin jarraituz, edizio honetan "TxAPPelduna 2023" saria emango zaio Google Playn kalifikazio onenak eta deskarga gehien lortzen dituen aplikazioari. Horregatik, antolakuntzatik app-ak deskargatzera eta baloratzera animatzen zaituztegu.

Azokan, proiektuak stand bidez aurkeztuko dira, ikasle talde bakoitzak egindako poster eta tutorialekin, eta sortutako aplikazioei buruzko galdera eta zalantza guztiei erantzungo zaie. Webgune honetan (https://feriadelapp.wixsite.com/edicion8?lang=eu) bideo tutorialak ikus daitezke eta Google Play-ra sartu Android gailuetan app-ak instalatzeko eta gehien gustatzen zaizkizuenak puntuatzeko!