EHUazoka: Unibertsitate Orientazioko Azokak

2023-2024 ikasturterako Euskal Herriko Unibertsitateak prestatu duen gradu-eskaintza hau guztia zehatzago ezagutzeko, bai eta UPV/EHUn sartzeko eta onartzeko prozesua, interesa duten pertsonak EHUazokara, Unibertsitate Orientazioko Azoketara, joan ahal izango dira. Zehazki, EHUazoka urtarrilaren 28an egingo da Gipuzkoako Campusean, otsailaren 4an Arabako Campusean eta otsailaren 11n Bizkaiko Campusean. EHUazokako hiru jardunaldietan, UPV/EHUko fakultate eta eskola guztietako irakasleek arreta pertsonalizatua eskainiko diete unibertsitate aurreko ikasleei, eta ikasketak hobeto ezagutzen lagunduko die. Halaber, informazio-saio kolektiboak egingo dira.

Standetan sartzea librea izango da, baina informazio saioetara joateko izena eman beharko da nahitaez. Azoketako informazio-saioetarako izena emateko epea zabalik egongo da astelehen eta ostiral artean, horietako bakoitza egin aurretik (Gipuzkoan izena emateko epea urtarrilaren 23tik 27ra; Araban, urtarrilaren 30etik otsailaren 3ra; eta Bizkaian, otsailaren 6tik 10era).

Izen-ematea orri honetan egingo da (urtarrilaren 23an, astelehena, aktibatuko da esteka Donostiako EHUazokarako).

Informazio gehiago: https://www.ehu.eus/eu/web/sou/programa-orientacion/ferias