The Future Game ekimenak The Future Game inkesta makroa aurkezten du. Bihar zer?, Euskadiko gazteei zuzendua. Proiektuaren helburua da gazteek etorkizuna nola irudikatzen duten jakitea, 2050. urtea agertoki gisa hartuta, eta erronka berriei taldean erantzutea.

Inkesta irekia da eta edonork parte har dezake The Future Game plataformaren bidez https://2050.thefuturegame .org/ . Galdetegia jolas bat da, modu dinamiko eta arinean bete ahal izateko. Horrekin batera, inkesta itxi bat egingo da EAEn erroldatuta dauden 18 eta 35 urte bitarteko 1.000 gazterekin, emaitzak adierazgarriak izan daitezen.

Inkesta euskaraz eginen da eta gaztelaniaz, frantsesez eta ingelesez betetzeko aukera eskainiko da. Bertan, gazteen errealitatean eta etorkizuneko eszenografian eragina izango duten funtsezko gaiak landuko dira. Nola irudikatzen dugu 2050. urtea? Aldaketak ikusiko ditugu gure planetan? Zein izango da eredu politikoa? Gerra edo pandemia berri bat biziko dugu? Zer debekatuko litzateke lehenago haragi kontsumoa, prostituzioa edo armak? Polizia gehiago egoteak 2050eko errealitatea hobetuko luke?

Inkestaren bidez, era horretako kontuak eta gehiago argitu nahi dira, eta gazteen benetako bizimodua, beharrak eta ereduak azaldu. Azpimarratu behar da inkesta hau prozesuaren hasiera besterik ez dela. The Future Game ekimena delako. Bihar zer? hainbat fase izango ditu, urritik urtarrilera. Lehenengo fasean, galdetegia abiaraztean, gazteen ikuspuntua ezagutzeko galderak egingo dira, 2050. urtea agertokitzat hartuta. Bigarren fasean, Twitch gizarte-sarearen bidez 40 eguneko ikaskuntza-prozesu irekia egingo da, eta 100 gaztek parte hartu ahal izango dute errealitatea interpretatzeko, ikasteko eta etorkizunerako proposamenak egiteko.

Urriaren 13tik abenduaren 19ra bitartean bete daiteke inkesta, helbide honetan: https://2050.thefuturegomen .org/

Gainera, etorkizunari buruzko jokoak Twitch, Instagram edo Gaztea Irratia bezalako komunitateetan hitz egitea ekarriko du, protagonista eta eduki bereziekin.

Ekimen hori Deustuko Unibertsitateko DOT, Osoigo Next eta Braulio Gómez kooperatibek sustatu dute. BADALAB, EITB eta BBK KUNA dira edizio honen babesleak. Lankidetza-prozesu bat da, gazteen aktibazio eta berrikuntza sozialean oinarritua, erakundeentzat garrantzi handikoa, gizarte gisa ditugun erronkak elkarlanean eta ikuspegi partekatuan lantzeko konpromisoa hartzen duena.

Zer da ‘The Future Game’ ekimena?

The Future Game [munduan eragin positiboa duten irtenbideak sortzeko jokoa eta plataforma digitala da. Proiektu horri esker, eraldaketan interesa duten pertsonek taldean lan egiten dute, Nazio Batuen Garapen Iraunkorreko Helburuen arabera, eta inguruan eragina duten irtenbideak sortzen dituzte, etorkizuneko aurreikuspena eta gizarte-berrikuntza konbinatuz.

Proiektuak hiru helburu nagusi ditu.

• Proaktibitatea lantzea: etorkizunen alfabetizazioa (futures literacy), prospektiba eta pentsamendu sistemikoa, gazteak aldaketaren eragile izan daitezen.
• Etorkizuneko ikuspegi positiboa eraikitzea: itxaropen kritiko kolektiboa, ikuspegi eraikitzaileak eta lankidetza plurala.
• Gazteen erreferente berriak: belaunaldi berri baten ikuspuntuak jasotzea, gazteen potentziala askatzea eta haien parte-hartze zibikoa sustatzea.

Nazioarteko aintzatespenak

Proiektu berritzaileak dagoeneko baditu aintzatespen hauek:

• Proiektua European Social Innovation Competitioneko 30 finalisten artean dago (abenduan argitaratuko da), eta The Future Game munduko 17 herrialdetako 565 proiekturen artean aukeratu dute.
• Lehen saria irabazi zuen Next Generation Foresight Practitioners lehiaketan.
• Magallaes Elcano sariak prestakuntzari eta ikaskuntzari.

Azken urteotan, DOT kooperatibak ekimena landu du munduko hainbat herrialde eta hiritako gazteekin: Somalia, Mauritania, Bilbo, Madril... The Future Game Bihar zer? orain Euskal Herrira heltzen da, gazteen ideiak, beharrak eta proposamenak jasotzeko.