Deustuko Unibertsitateak, Bilboko eta Donostiako campusetan, FIRST LEGO League Euskadiren finala ospatu zuen martxoaren 2an. Finala Innobasque Berrikuntzaren Euskal Agentziak antolatu zuen, eta lau egoitzatan egin zen aldi berean: Bilbon, Donostian, Arrasaten eta Gasteizen. Programa horren helburua euskal gazteen artean bokazio zientifiko-teknologikoak sustatzea da, eta aurten 15. edizioa beteko du Estatu-mailan, STEAM bokazioak bultzatzeko erreferente gisa.

Unibertsitateak antolatzen dituen txapelketen kasuan, Bilboko campuseko egoitzak Bizkaia osoko 16 ikastetxeko 43 talde bildu zituen (23 Challenge + 20 Explore). Bestalde, Deustoren Donostiako campuseko egoitzan, Bizkaia eta Gipuzkoako 18 ikastetxeko 39 talde lehiatu ziren (22 Challenge + 17 Explore). Denek bizi izan zuten jardunaldi aparta Deuston, MASTERPIECE izeneko erronka tematikoaren bitartez. Erronka hori munduko herrialde guztietan partekatuko da, eta honetan datza: taldeek gainerakoekin partekatu nahi duten zaletasun bat identifikatzean, teknologia erabiliz eta era sortzailean.

Bisita instituzionalak Bilbon eta Donostian

Deustoren Bilboko finalak Iberdrola, BBK, Bilbao Ekintza-Bilboko Udalaren babesa eta Drone by Drone, Ausolan eta Alzolaren laguntza du. 85 boluntariok parte hartu dute, epaile, arbitro, floater edo zientzialari gisa. FLL Deusto Bilbao 10:00etatik 16:00etara izan zen Xabier Kirolgunean.

Torneoez, jarduerez eta OpenGuneko standez gain, bisita instituzional bat ere izan zen topaketan, Juan José Etxeberria Deustuko errektoreak gidatuta, eta pertsona hauek elkartu ziren: Víctor Urcelay, Deustoko Ekintzailetzako eta Etengabeko Prestakuntzako errektoreordea; Javier Garcinuño, Bilbao Ekintzako zuzendaria;Isabel Sarrionandia-Ibarra; Nora Sarasola, BBK-ko Gizarte Ekintzako zuzendaria; Estíbaliz Goñi, Iberdrolaren i-DEko Prozesu eta Teknologiako zuzendaria; Pablo García-Bringas, Deustoko Ingeniaritzako dekanordea; Cristina Giménez, Deustoko Ingeniaritzako Unibertsitate-enpresa Harremanetarako zuzendaria; Alaitz Landaluze, Innobasqueko Berrikuntza Politiken koordinatzaile nagusia; César López, Ausolan-eko operazioen zuzendaria, eta Ander García, Drone by Dronekoa.

Deustoren Donostiako finalari dagokionez, Donostiako Sustapenaren babes nagusia du, baita CAF, Salto Wecosystem-ena ere, eta Doplay, Ausolan eta Alzolaren laguntza. Antolaketan 130 boluntariok baino gehiagok parte hartu zuten. 10:00etatik aurrera, Larramendi Eraikineko kiroldegi-kantxan egin zen jardunaldian, jarduera eta OpenGune stand ugari egin ziren, bi egoitzetan 15:00etan egin zen sari-banaketa ahaztu gabe.

Era berean, Xabier Riezu Donostiako campuseko errektoreordea kirol-esparruan eta txapelketa egiten zen gainerako espazioetan ibili zen, honako hauekin batera: Eneko Goia, Donostiako alkatea; Koldo Peciña, Gipuzkoako Foru Aldundiko Proiektu Estrategikoetako zuzendari Nagusia; Gotzon Bernaola, Innobasqueko Enpresa Berrikuntzako koordinatzaile nagusia; Iñigo Olaizola, Donostia Sustapeneko zuzendari kudeatzailea; Iñaki Lecuona, Deustoko Ingeniaritzako idazkariordea; Marc Handels, SALTO Wecosystem-eko Teknologia eta Berrikuntzako sortzaile eta zuzendaria; Alberto Asín, Doplayko zuzendari nagusia; Maialen Larrea, Auzo Lagun-eko Kontseilu Errektoreko kidea; eta Patxi Casal, Alzolako zuzendari nagusia.