Deustuko Unibertsitateak irailaren lehen astean ekin zion jarduera akademikoari, nazioarteko ikasleei ongietorria emanez eta 1. mailako ikasleei harrera eginez. Guztira, 40 herrialde baino gehiagoko graduko eta graduondoko trukeko eta CIDEko (atzerritarrentzako espainierazko ikastaroak) 645 ikaslek Bilbon (511) eta Donostian (137) ikasiko dute ikasturtearen lehen seihileko honetan.
Gainera, nazioarteko 50 ikaslek parte hartuko dute International Virtual Campusen, mundu osoko unibertsitate bazkideetako ikasleei nazioartekotze-alternatiba eskuragarriak eta inklusiboak eskaintzeko pentsatutako espazio digital batean ikasgaiak eginez.

Gazteak herrialde hauetatik datoz: Albania, Argentina, Austria, Belgika, Brasil, Kanada, Txile, Txina, Kolonbia, Kroazia, Danimarka, Eslovakia, Eslovenia, Estatu Batuak, Estonia, Finlandia, Frantzia, Grezia, Hungaria, India, Irlanda, Italia, Japonia, Letonia, Lituania, Malta, Maroko, Mexiko, Norvegia, Herbehereak, Peru, Polonia, Portugal, Puerto Rico, Erresuma Batua, Txekiar Errepublika, Koreako Errepublika, Suedia, Suitza, Taiwan eta Turkia.

Graduko ikasleei dagokienez, 2.440 ikaslek baino gehiagok hasiko dituzte aurten beren karrerak unibertsitateko bi campusetan eta Gasteizko egoitzan. Ikastaro guztietarako eskolak irailaren 9an hasiko dira, eta irekiera ekitaldi ofiziala, Imanol Pradales Eusko Jaurlaritzako lehendakaria buru dela, irailaren 25ean izango da.

Harrera nazioartekoei Bilbon
Bilboko campusak nazioarteko 511 ikasleei ongietorri instituzionala egingo zien irailaren 4an. Harrera jardunaldi hori Paraninfoan egin zen, eta Aitziber Irigoras Unibertsitate Elkarteko eta 2030 Agendako errektoreordeak, Javier Arellano Nazioarteko Harremanetarako errektoreordeak, Juan Mari Aburto Bilboko Udaleko alkateak eta Leixuri Arrizabalaga Bizkaiko Foru Aldundiko Euskara, Kultura eta Kiroleko foru diputatuak batera parte hartu zuten, baita Bilbon oinarri duten hainbat kontsul orokor eta ohorezkoak ere.

Topaketa lunch batekin amaitu zen eta ikasleek Bilboko hiria ezagutzeko aukera izan zuten Buddy Programan parte hartzen duten Deustoko ikasleen eskutik. Programa hori nazioarteko ikasleak bertako ikasleekin elkartzen dituen programarik nabarmenetako bat da, haien integrazioa eta harrera sustatzeko. Ekitaldi instituzional hau orientazio akademikorako tutoreekin eta Nazioarteko Harremanetarako Bulegoarekin eta Deusto Campusekin egindako saioekin osatuko da.

Internazionalak Donostian
Donostiako campusak ere irailaren 4an ospatu zuen bere 137 ikasle eta truke ikasleentzako ongietorri instituzionala. Ekitaldia Loiola Centrumen izan zen, Xabier Riezu Deustuko Unibertsitateko Donostiako campuseko errektoreordeak hartu zuen parte. Egun horretan bertan, Donostiako alkate Eneko Goiak harrera egin zien nazioarteko ikasleei Udaletxeko Osoko Bilkuren Aretoan eta jardunaldiari amaiera emateko, city tour bat egingo da 'Big buddies' taldearekin.

Ikasturte honetako nobedadeak
Datorren urterako berrikuntzen artean, Ingeniaritza Matematikoko gradua eta Bilboko campusean emango diren Zuzenbideko + Filosofiako, Politikako eta Ekonomiako gradu bikoitza daude. Donostiako campusak, bestalde, ADE + Digital Business Intelligence (Deusto Business Analytics Programme) gradua eskainiko du datorren ikasturtean.