Sororitatea eta laguntasuna

Emakumezkoen Munduko Txapelketaren ospakizunaren ondoren egin gisa, Jenni Hermosok FutPro sindikatuaren bitartez egin zituen adierazpenok, ohar batean. Idatzia 56 jokalarik sinatu zuten, horien artean Sydneyn munduko txapeldun izan ziren 23 jokalariek. Hain zuzen ere, 23 jokalari horiek uko egin zuten selekzioaren deialdietan parte hartzeari Luis Rubiales Espainiako Futbol Federazioaren presidente zen bitartean.

"Gaur goizean jazotako gertakariekin eta Luis Manuel Rubiales Béjar Espainiako Futbol Federazioko presidenteak eman duen hitzaldiarekin zur eta lur, selekzio absolutuko jokalariek, munduko txapeldun berriek, Jennifer Hermosoren alde, irmo gaitzetsi nahi dituzte emakumeen duintasunaren aurka egin duten jokabideak", adierazi zuten.

"Gure sindikatutik azpimarratu nahi dugu emakume bakar batek ere ez lukeela zertan erantzun beharrik izan mundu guztiak ikusi dituen gisako irudien aurrean, eta, jakina, ez lirateke baimendu gabeko jarreretan zertan nahasiak egon", gaineratu zuen.

Futbolariek komunikatua itxi zuten RFEFen aldaketak eskatuz eta Munduko Txapelketaren konkista historikoaren ondoren duten sentimendua azalduz, alegia, Luis Rubialesen jokabideak, alde batera utzi zuela lorpena eta ospakizuna bera.

"Komunikatu hau amaitzeko, benetako aldaketak eskatu nahi ditugu, bai kirol arloan, bai egituran, Selekzio Absolutuak hazten jarrai dezan, arrakasta handi hori ondorengo belaunaldietara eraman ahal izateko. Guztiz atsekabetzen gaitu hain gertaera onartezin batek Espainiako emakumezkoen futbolaren kirol-arrakastarik handiena lausotzeak".

Salaketa Rubialesen aurka

Jenni Hermoso futbolariak salaketa formala aurkeztu zuen azkenean Luis Rubiales RFEFko presidentearen aurka, Munduko Txapelketa irabazi eta gero baimenik gabe eman zion musua dela eta.

Fiskaltzatik azaldu zutenez, jokalariak salaketa jarri zuen Estatuko Fiskaltza Nagusian, Marta Durantez Auzitegi Nazionaleko fiskalordearen aurrean.
Horren ostean, Auzitegi Nazionaleko Fiskaltzak iragarri zuen laster kereila jarriko zuela Rubialesen aurka.

Abuztuaren 28an, Ministerio Publikoak izapideak abiatu zituen Rubialesen musuagatik, sexu-erasoa izan zitekeelakoan, eta auzitara jotzea eskaini zion jokalariari.

Irene Montero jarduneko Berdintasun ministroak babesa agertu zion Hermosori, X sare sozialean (Twitter ohia) idatzitako mezu batean: "Jenni Hermoso, ez zaude bakarrik. Milioika gaude zurekin".

Victoria Rosell Genero Indarkeriaren aurkako Espainiako Gobernuaren ordezkaria ere mintzatu zen sare sozial horretan: "Jokalariak eman du zigor legeak eskatzen zuen pausoa gertatutakoa ikertu eta epaitzeko. Orain, egoerak eskatzen duen mailan egon behar du Estatuak. Eta egon egongo da. Beharrezkoak diren legeak ditugu, eta Fiskaltzak konpromisoa agertu du berdintasunarekin eta indarkeria matxistaren aurka".

Azken jazoerak

Honen guztiaren ondoren, Luis Rubiales RFEFko presidenteak bere dimisioa aurkeztu zuen, nahiz eta bere lehen erabakia postua ez uztearena izan zen, behin eta berriz errepikatu zuen zerbait hitzaldi batean.

Jenni Hermosori dagokionez, esan beharra dago jokalaria ez zela deitua izan Espainiako Selekzioaren hurrengo partidarako Montse Tomé entrenatzaile berriaren aldetik. Tomék adierazi zuen erabaki hau Hermoso "babesteko" hartu zuela. Azken honek, bere aldetik, bere ondoeza erakutsi zuen X sare sozialean hurrengoa esanez: "Zertaz babestu? Edo nortaz?".