Lanbide Heziketak 150 titulu inguru eskaintzen ditu. Tituluak multzo profesionaletan biltzen dira, eta modulu esaten zaien ikasgaiak dituzte: eduki teoriko eta praktikoak dituzte, bai eta enpresan lan egiteko praktikaldia ere. Hezkuntza-sistemako  lanbide-heziketaren irakaskuntzak honela daude antolatuta:

• Hasierako lanbide-kualifikazioko programen berariazko lanbide-moduluak. (HLKP).
• Erdi-mailako heziketa-zikloak.
• Goi-mailako heziketa-zikloak.
• Aurrerago: espezializazio-ikastaroak.

Ikas-ekinezko erregimeneko Lanbide-Heziketa Duala

Lanbide Heziketaren bidez gazteen langabezia-tasa handiak arintzeko neurriak sustatzeko eta gazteen lanbide-kualifikazioa eta espezializazioa bultzatzeko, ikastetxeko irakatsi eta ikasteko prozesua eta enpresan lan egitea eta ikastea uztartzearen bitartez.

Bere helburuak dira:

• Gazteei Lhko titulu bat lortzeko aukera ematea, ikastetxearen eta enpresaren artean partekatuta garatzen den ikaskuntza-proze-suaren bidez.
• Lanbide-heziketako ikastetxean lortuko gaitasunen eta lan-munduan behar direnen arteko aldeak minimizatzea.
• Gazteak lan-munduan lehenago hastea, gazteen jarduera tasa hobetuz. Eta prestakuntzaren eta enpleguaren arteko lotura azaleratzen laguntzea.
• Lan-merkatuan eskaintza eta eskaria hobeto uztar daitezen ahalbidetzea. Gazteei baliabide ekonomikoak eskuratzeko modua ematen die eta, aldi berean, kualifikazio profesionala eta lan-esperientzia egiaztatua lortzekoa.
• Gazteak lan-munduan sartzeko konponbideak bilatzen saiatzea.
• Ikastetxearen eta enpresen arteko hurbilketa ahalbidetzea, eta hartara, edukiak eta pedagogia metodoak berri daitezen bultzatzea.

2020/21 Ikastaroko LH Datuak

Erdi Mailako LHn, Goi Mailako LHn, ikasle hauek egiten dituzte:

• Goi mailako LH: 23.056.
• Erdi Mailako LH: 15.752.

LHko ikasketak egiten dituzten gizonen eta emakumeen ehunekoa% 64,55 eta % 34,45 da, hurrenez hurren.

Eusko Jaurlaritzaren datuen arabera, Txandakako Prestakuntza Dualeko ikastaroa amaitzean, kontratazio-tasa % 85ekoa izan zen.